مجموعة من الابوذيات اهديها الكم

مجموعة من الابوذيات اهديها الكم يااعضاء الفلامنجو

ارحب دوم انة بيكم وحيكم
احبكم وانتظر منكم وحيكم
احب الميت البيكم واحيكم
واحب الجاي منعدكم الية

يمن حبك سكن روحي وحلها
ورخة اوتار دلالي وحلها
لغز انة وحزورة وحلها
بيدك من تحلها تحل علية

خيال الكلب تدري مهرتك
تغزل بية راويني مهرتك
انته وروحك بروحي مهرتك
وانة وروحي وي روحك سوية

سبحانة الخلقلك عين وسعة
عليك انة ادور دوم وسعة
وصدرك علي بس اليوم وسعة
وشوف الكلب ياخذلك تحية

اوافي وياك كون وياي توفي
عليك ديون كلي شوكت توفي
طعمك عسل بي جكليت توفي
ككو كلك حليب وسمسمية

عيونك زرك مثل السمة وصفة
وحسن البيك محد كدر وصفة
وخدودك ياترف لشفافي وصفة
وطبيب الوصفك تدري الية

كوم من القهر شفته بعدكم
احبابي والزمن عني بعدكم
ابد ماغبتو عن بالي بعدكم
بالي الغاب ونتو لسة بية

تعال انتة علي جية شجاني
صوتك ياترف لحنة شجاني
مدري شبية ما ادري شجاني
تعال وشوف شوكي شعمل بية

جفوفي مكطعة شتقرالي كف كف
دمع عيني على الوجنات كف كف
ما اريدك بعد وارجوك كف كف
كفاني شماشفت منك اذية

فوت بزودك انه وياك سرسر
حبك للكلب والروح سر سر
عليك انة ابد ماضام سر سر
اذا سر ونفضح شضم علية

ما اظن بشر مثلك ابد نادر
وحسنك حسن بين الحسن نادر
دمك حلو شربت ولك نادر
وشفتك كيكة تفتح كل شهية

جثيرة جروح دلالي وعدهن
عيونك سلبن كلبي وعدهن
كلي شوكت يوفلي وعدهن
اذا يوفن ترد الروح بية