امثال بغدادية

* اسمه بالحصاد و منجله مكسور

ناس تاكل دجاج و ناس تتلكه العجاج

اصبر عالحصرم تاكل عنب

اقبض حسابك من دبش

امام المايشور يسموه ابو الخرك

بالسفينة و يفكس عين الملاح

تدعبل الجدر و لكه قبغه

تي تي ..تي تي .. مثل ما رحتي جيتي

جبت الاعور يونسني .. كشف راسه و خرعني

جرح الكلب مثل الجام ما يلحم

جزنا من العنب و نريد سلتنا

حجارة الجبيرة .. من الجار القريب

جيب ليل .. واخذ عتابه

الخشم عالي و الجيب خالي

الزنكين افلوسه ابعبه .. و الناس تحبه

سبع صنايع .. والبخت ضايع

شهر اللي مالك بيه احساب لا تعد لياليه

ضربني و اشتكى ..و اغلبني بالبكا

الفلوس تجيب العروس

فنجان كهوة .. يغزر اربعين سنة

كلمن يجيب نقش .. عوافي

لا حضت برجيلها.. و لا خذت سيد علي

لو بيه خير ..جان صار باشا

الياخذ من غير ملته ..يموت بغير علته

اليدري يدري .. و المايدري .. كبضة عدس

المرة يرادلها بخت ..و الرجال سبع بخوت

النار ما تحرك الا رجل و اطيها

يتزوجون اثنين ..ينخبصون الفين

و اخيرا

و بمناسبة شهر رمضان الكريم انكوووووووووول


صوم ما نصوم ........... سحور ما نتسحر : و يحكى ان رجلا لا يصوم شهر الطاعة و لما جاء شهر رمضان قال

لزوجته اني عاجبني اتسحر كالتله زوجتة انت ما تصوم بعد ليش تتسحر جاوبها عاجبني

اجا وكت السحور سوتله شوربة هرطمان و جابتها الة و كعد من النوم و لسة نعسان حطها بحظنة و كام ياكل و النومة

بعينة وكعت طاكيته بالشوربة و اكل اكل و اخير شي كام يعلس الطاكية و يكول اشو هاي اللحمة قوية اخاف هاي لحم

اصخول ..

صاح مرتة و شتمها و كلها منعولت الوالدين حاطتلي لحم صخول بالشوربة

كالت هي شوربة يمتة بيها لحم

سالته وين طاكيتك

حس انو طاكيتة هي اللي بالشوربة كال :هاي مو خوش حسبة صوم ما نصوم سحور ما نتسحر

امشي ولج امشي جيبيلي خيط دة اطلع الفتلاوية من اسنوني


و صار هذا مثلا من وقتها .